مهدی سیدی( هۆژان)

ئه‌مساڵ یه‌کیان فت

کابرایه‌ک دوو زاوای هه‌یه‌ و ده‌چێ سه‌ردانیان بکا.

به‌ یه‌که‌میان ده‌ڵێ: کاروبارتان چۆنه‌؟ باشه‌؟

ده‌ڵێ: بۆ ماڵ ساز کردنی ماڵ خشتێکی یه‌کجار زۆرم بڕێوه‌ و ئه‌گه‌ر باران ببارێ وه‌زعمان شڕه‌.

ده‌چێ بۆ ماڵی دووهه‌میان و هه‌مان پرسیاری ئاراسته‌ ده‌کا.

ئه‌ویش ده‌ڵێ:

خۆت باش ده‌زانی من وه‌رزێڕم و ئه‌مساڵ زه‌وییه‌کانم کردووه‌ به‌ گه‌نم. ئه‌گه‌ر باران نه‌بارێ وه‌زعمان شڕه‌.

کابرا ده‌گه‌ڕێته‌وه‌ بۆ ماڵ و ژنه‌که‌ی ده‌ڵێ: چی بوو ؟ وه‌زعیان چۆنه‌؟ ده‌ڵێ: ئه‌مساڵ یه‌کیان فت. ئه‌گه‌ر باران ببارێ یه‌کیان فت ئه‌گه‌ر نه‌بارێ یه‌کیان فت.