ملازم یان مڵۆزم
ئهمڕۆ له چیرۆکی ( خهیر و شهڕ ) گهیشتینه وشهی مولازم(ملازم) که به مانای هاونشین و هاوڕێ دێ.
به قوتابیانم وت ئهوهشتان له بیر بێت که له زمانی عهرهبی ئێستادا به ئێسکۆرت یان گارد دهڵێن ملازم واته کهسێک که بهردهوام به شوێن و له گهڵ کهسێکی تره.
ههروهها لهزمانی عهرهبی له ناو هێزه نیزامییهکاندا پلهیهکی نیزامی و ئهرتهشییه و له فارسی دا بهرانبهرهکهی دهبێ به سهروان.
له کورستان-له باشووری مهزن- چهن کهسایهتییهکی دیاری بهعسیش ههبوون که به ملازم موحسین و ملازم تهحسین و ملازم عهلا و... ناسراوبوون. بیستنی ناویان زاڵهی زۆری دهتهقان و ببوونه جنۆکهیهکی پیاوترسێن له ناو کوردهکان.پاش ڕاپهڕین چهن کهسێک لهم ملازمانه کوژران و چهن کهسێکیشیان خۆیان شاردۆتهوه و یان ئێستا وهک کاربهدهستێکی پلهدار دیسانهوه ههر ئیش و فهرمانی خۆیان ڕادهپهڕێنن بهس له ژێر ناوێکی تر.
سارۆ به شتێکی جوان ئاماژهی دا که بۆ من ڕاچڵهکێنهر بوو چونکوو تا ئێستا وهها بیرم له ملازم نهکردبووه. پێم باش بوو و به دڵێشم بوو ئهویش ئهمه بوو:
ملازم چ پێوهندییهکی ههیه به وشهی کوردی مڵۆزم؟
تا ئهم ساته من پێم وایه ههر یهکێکن. ملازم بهردهوام له گهڵتایه و مڵۆزمیش به کهسێک دهڵێن: که موزاحیمه و له کۆڵت نابێتهوه.
له ههنبانه بۆرینهی مامۆستا ههژاری نهمرم ڕوانی نووسیویهتی:
مڵۆزم: جنۆکهی پیاو ترسێن
( دیاره مهبهستی ههژار ڕهحمهتی مرۆڤ به گشتییه نهوهکوو بهس پیاو. ئهم پیاوه ژنیش دهگرێتهوه. ئێمه به هۆی ئهوهی که کولتوورێکی پیاوسالارمان بووه دیاره زمانیش دهبێ پیاوسالار بێت.)
ڕای ئێوه؟
شێعر لای من