ئەتوانێ چی بکات؟!
ئەتوانێ چی بکات؟!
کەس ب دادا مە نەپرست گلەهـ و داد چ کت؟
تە نەبت دادڕەسەک بیهوودە فەریاد چ کت؟
ب شرینێ نەگەهت دەست ئەگەر ڕۆستەم بت
دێ ب بازوو و ملان شوبهەتی فەرهاد چ کت؟
فاعلەک لازمە دا فعل و ئەسەر پەیدا ببت
گەر تو حەدداد نەبن کوورەیێ حەدداد چ کت؟
مومکنەک دێ هەبتن داکو تەلەب حاسل بت
سەید و نێچیر کو نەبت توولەیێ سەییاد چ کت؟
هەر گل و سەنگ دبتن زێڕ ب تەدبیرێ حەکیم
قابلییەت کو نەبت حکمەتێ ئوستاد چ کت؟
کان ب گەوهەر چ بکت گەوهەر ئەگەر پاک نەبت
تو بەسیرەت تە نەبت سیرەتێ ئەجداد چ کت؟
زێڕ و زێوەر دکرن جەلبێ قولووبان حاشا
حوسن و سور زات نەبت قامەتێ مەییاد چ کت؟
عاشقێ مەست ب عیشقێ نییە حاجەت ب مەیێ
واردێ وارید و ئەحوال ب ئەوراد چ کت؟
نە غەرەز ڤێککەتنا یەک و ل یەک مورشد بت
سالک و تالبێ ئرشادێ ب بەغداد چ کت؟
جەهدە و سەعی و تەلەب بێ ئەسەرەک سافی نەهن
تو نەبی پەردەنشین چاکەر و قەوواد چ کت؟
چ ئەسەر دێ ل بەرێ خارە بکت قەترەیێ ئاب
قەلەمێ ما ب دوو سێ قەترەیێ زوههاد چ کت؟
دێ ژ حەق جازبەیەک دل بگرت وەرنە مەلا
ژ ئەزەل گەر تو هدایەت نەبت ئیرشاد چ کت؟
سەرچاوە: دیوانی مەلای جزیری، شەرحی هەژار، تاران، پانیز، 1393.
#شیعر_کوردی
#مەلای_ جزیری
#هەژار
#شیعر_کورمانجی
#علی_اکبر_فلاحی
#انتشارات_ققنوس
#مهدی_سیدی_هۆژان
شێعر لای من