دەنگ نازار و گاوەرۆ

شانۆنامە

( لە حەوت سەحنە)

کەسایەییەکان:

ئاغە- ساخان- فریا- ئارێز- فەریدە

هەڵبژاردەی سەحنەی یەک:

ساخان: ئای ئاغە سەختە. بیس و سێ ساڵ بێ خەوی. خوا هاوار بیس و سێ ساڵ نووچێک نەئەیت، چاوێک نەنووقێنیت. ئاغە کێف بوایت، دایسە لە پا دەرهاتوو... ئای یە یە یە یەی... چەی نووسیگە ئاغە!

ل. چواردە

هەڵبژاردەی سەحنەی دوو:

فەریدە: ئەونە هەژار مەوە. ئەگەر نەچیتە قوڕگیا پاشێلت ئەکات. ئەم جۆرە پیاگەلە من ئەیانناسم. هەرچی تۆ بترسیت، ئەو دوڕتر ئەوێت. تۆ لە بەرانبەریا بێسە. بزانە چۆن تێتە سەر چۆک.

ل. هەژدە

هەڵبژاردەی سەحنەی سێ:

ئارێز: ئەگەر لە تورکیا پات نەئەدا گەز، ئەگەر ئەهاتی تەکما! ئەو کەشتییە لە ئیژە ڕەدمانی ئەکرد. فەقەت سێ مانگ لە یوونانا ئەماینەو، دوای ئەوە ئەماندا لە شەقەی باڵ بۆ پاریس، مارسەی، لیۆن، نانت، نانسی... ڕزگار ئەواین!

ل. بیست و نۆ

هەڵبژاردەی سەحنەی چوار:

فریا: گاوەرۆ پێچیاوە باڵایا... هۆرە و دەف و تەپڵ دەروێشەکان شێخ عەباسە کوردیچ، وەختارێ بێ قەرار ئەووا، دەسی بۆی مێرگ و چنار و ڕووخانەی ئەدا. جا دەسی ئەنیا باخەڵی، یان دەمی، چاوی و ئەیوەت ئاخ گاوەرۆ،کەم خوەت بکوتە ئەم دڵە داماگما. لە بێ قەراریا کێشاگمەسە سەر دایکم.

ل. سی و پەنج

هەڵبژاردەی سەحنەی پێنج:

ئاغە: من نەمگەرەکە خوەت بووەسیتە منەو. تۆ لە هەر کوینەی دنیا بیت، هەر هایتە دڵ منا. جەسەم پڕ لە تۆیە... لە هیوا... لە نازار...

ل. چل و چوار

هەڵبژاردەی سەحنەی شەش:

فریا: نایێڵم دەسی بگەیتە باران.

ل. چل و نۆ

هەڵبژاردەی سەحنەی هەفت:

فەریدە: درۆ بۆچە؟ ئایسە کە لە بان ئەم کەشتییە قاچاخەو ئەم نامەت بۆ ئەنووسم، بزانە ئارێزم بۆ نفرەت گەرەکە نە بۆ خۆشەویستی. فریا گیان...لەو بنەی قاقای گیانمەوە ئەزانم ئەوە وا گەرەکی بێت بمێنێتەوە، حیچکە ناتوانێ لە جێگەی خوەیا جمی بات. ئەویجە وا گەرەکیە بچێت، ڕۆژێ بایەوانەکە هەڵئەکا. ئەزانم تۆ قەوپاڵی. چاوەکان ئاغەیت. بێخەوییەکان ئاغەیت. تۆ هەر یەکسەر ئاغەیت.

ل. پەنجاوحەوت

سەرچاوە: دەنگ نازار و گاوەرۆ، سابر نیکبەخت، سەقز: گوتار، 1396.