گڵکۆی تازهی لهیل
دهڵێن ئهحمهد بهگی کۆماسی(1793-1876) له مهرگی ژنهکهی پارچه شێعرێکی داناوه به ناوی گڵکۆی تازهی لهیل که له بواری زمان و ئهدهب و ههسته له لوتکهدایه. له رۆژانه برادهرێک داوای کرد و منیش لێرهدا دهینووسمهوه. ههڵبهت ههن کهسانێک که پێین وایه شاعێری ئهم شێعره ئهحمهد بهگی کۆماسی نیه.تکایه ههر کهس زانیارییهکی سهبارهت بهم مژاره ههیه بۆمانی ببێرێ.
گڵکۆی تازهی لهیل
گڵکۆی تازهی لهیل گڵکۆی تازهی لهیل
ئارۆ شیم وهسهر گڵکۆی تازهی لهیل
نه پای مهزار ئهولهیل پڕ مهیل
جه دیدهم واران ئهسرینان چون سهیل
شیم وهسهرینش بهو دڵهی پڕ جۆش
سهنگێ مهزارش گرتم نه ئاغۆش
واتم ئهی دڵسۆز قهیس پۆس نه کۆڵا
موبارهکت بۆ یانهی تهنیای چۆڵ
گڕهی نار عهشق دووری باڵای تۆ
کارێ پێم کهردهن نهونهمامی نۆ
نه به رۆژ ئارام نه شهو خهومهن
چون چهم گل کهران گلاراومهن
جهو اوه گهردش ئهو چهرخ چهپ گهرد
من و تۆ وه زۆر جه ههم جیا کهرد
تۆ بهردهن وه خاک سیای تهنگ و تار
من مام پهی عهزاب جهفای رۆزگار
ههر رۆ چوون مهجنوون خاتر جه غهم کهیل
ههر لهیل لهیلمهن جه ههردی دووجهیل
شهوان تا وه رۆ شیو و رۆڕۆمهن
گشت پهژارهیی تهنیایی تۆمهن
ستارهم شوومهن بهختم لێویان
چوون ئاهووی تهنیا سهر لێم شێویان
یه حاڵی منهن شای وهفاداران
ههمرازی تۆ کێن سوب تا ئێواران
له جیاتی باهووی قهیسی غهمگینت
کام سهنگی سیا شهو جه باڵینت
سا پهی چێش سۆمای دیدهم تار نهبۆ
زیندهگی جه لام زههری مار نهبۆ
ئهو دیده مهخموور ئاهووبێزی تۆ
ئهو زولفی قهتران شهڕهنگێزی تۆ
وه مهودای چل چهنگ تۆ تاتات مهکهرد
ئێسته پهشێوهن چون رهیحانهی ههرد
ئهلحاسڵ ههر چهن شین و زاریم کهرد
نه پای قهبری لهیل بێ قهراریم کهرد
نهدای جهوابم نه زهڕه دهنگ کهرد
ئهمجا بڵێسهم وه گهردوون ویهرد
دیسان ههم جه نهو واتم ئهی دڵسۆز
حهکیمی زامان دهردی مهجنوون سۆز
هام نه سهرینت زارزار مهناڵم
خاک یانهی نهوت وه چهم مهماڵم
پهی چێش مهیلی وێم جه لات کهم بیهن
مهر عههد و پهیمان جه یادت شیهن
دیم دهنگێ ئاما نه تۆی خاکهوه
نهو یانهی تاریک حهسرهتناکهوه
ئاما نه گۆشم چون رازی جاران
واتهش ئهی مهجنوون وێڵی کۆساران
خاک وه دهستی زۆر زهنجیرهم کهردهن
یادی ههمڕازان جه یادم بهردهن
هێنده خاک و سهنگ نه جهستهم بارهن
نه جاگهی جهواب نه رای گوفتارهن
ئهحمهد بهگی کۆماسی
(1793-1876)
شێعر لای من