مهدی سیدی( هۆژان)

نەواچی من پیر ئیفتادەی دڵ ڕێش
ئیسە چەنی مەیل ئازیزانم چێش؟
تا یاران نیگای نیهانیشان بۆ...
پیران مشیۆ تاف جوانیشان بۆ
مەولەوی کورد
کورد گوتەنی: " کەسێک بە چۆلەکەیەک نەزانێ، بە گایەکیش نازانێ."
ئێوارە و شەوی سێشەممە، دەی ڕەزبەر، لەگەڵ هاوڕێیانی هاودڵی هاوکارم لە گروههای آموزشی استان، لە شەوێکی ئەنگووستەچاو و نزیکەی بەنداوی قشڵاقی پڕ لە ئاوی سنەی لەبەردڵان، یەکمان گرتەوە. ئەوجار نە بۆ کۆبوونەوەی ئیداری و نە بۆ سەردانی خوێندنگاکانی دێهات و شاری، بەڵکوو بۆ ڕێزگرتن و جۆرە ماڵئاواییەک لە پێنج نەفەر لە ئەندامانی گرووە که ئەمساڵ خانەنشین بوون- حبیبی، درخشان، ملایی، فخرایی و سیدی، وە ئەو چەند کەسەی کە هەستان و بە بێ وەستان، ئامادەکارییان کرد، ئامادەکارییەکی جوان و لەبەردڵان: بەڕێزان و ڕێزداران اسدی، حجازی، درویشی، رضانژاد، رهنمون، زندی، شریعتی، صادقی، صالحی، عزیزیان، قجر، قربانیان، قیصری، ث.کریمی، ص.کریمی، محمدی، مرادی، معاذیان، مفاخری، میرزازاده، نصرتی، کە هێشتا لە هەڕەتی لاوەتیدان و لە سەر کار.
کەم تا زۆر نزیکەی دە ساڵە هەر حەفتە، ڕۆژێک لە پژوهشکده تعلیم و تربیت بۆ کاروباری ئیداری کۆ دەبووینەوە بەڵام ئەمشەو گەورەیی و خۆشەویستی هەموومانی کۆکردەوە.
کۆڕێک لێوانلێو لە ڕێز و ڕێزگرتن، کۆڕێک لیپالیپ لە ئەمەگناسی و وەفاداری و لە کۆتایی بەخشینی نامەیەکی پڕ لە شەرەف، واتە شەرەفنامە. ئەو شەرەفنامەیەی کە م. هەژار گوتەنی: ئازانامەیە:
"ئەگەر تۆزێک بە زیتی لە ناوئاخن و دێڕ و پیتە بە پیتەکانی شەرەفنامە ورد ببینەوە و ژیرانە لێی بکۆڵینەوە، سەرەڕای ڕووداوەکانی- کە زۆر دڵگر و لە بەرچاون- ئەوی زۆرتر سەرنجی پیاو ڕادەکێشێ، ئازایەتی بێ وێنەی ئەم گەلی کوردەیە. سەرلەبەری بپشکنە، لە هیچ لایەکەوە قزە و ترسەنۆکت نایەتە بەرچاو و هەمووی هەر پیاوەتی چاونەترساو و دوژمن ترسێن و گەڕناسی بێ وێنەیە."

ل. بیست و حەوت

شەو کۆتایی هات، سی ساڵ وانەوتنەوە کۆتایی هات بەڵام ئەوەی هەرگیز کۆتایی نایەت: یەکگرتویی، خۆشەویستی، فێربوون و فێرکاری و هیواداربوون بە ئاسۆیەکی ڕوونە.
م.س.

بیا تا قدر یکدیگر بدانیم

که تا ناگه ز یکدیگر نمانیم

کریمان جان فدای دوست کردند

سگی بگذار، ما نیز مردمانیم

مولوی