ئەڕۆی ئۆغر
ئەڕۆی ئۆغر
باید اضافه کنم که در اینجا( در مسیر اصفهان به شیراز) جواب زیارت قبول با دیگر جاها تفاوت دارد. می گویند: فرصت باشد. یا خدا به شما فرصت دهد.یا اینکه میگویند آوغور باشد و جواب این است که اوغور شما به خیر باد. جالب اینکه کلمه ترکی اوغور به معنی سعادت در اینجا و در این منطقه ایران کاربرد دارد.
ص. 78
به نقل از کتاب ادوارد براون و ایران، حسن جوادی، چاپ دوم، تهران: فرهنگ نشر نو، 1396.
ئەڕۆی ئۆغر
لە کتێبی: بەهەشت و یادگار
بەرهەمی:گۆران (1904-1962)
کڵاولار! گورجی کەوڕەفتار! نەزەر ناکەی ئەڕۆی ئۆغر؟
لە تیری ئاهی ناکامیم حەزەر ناکەی ئەڕۆی ئۆغر؟
بە دووتا ئەشکی حەسرەت خوێن ئەبارێنێ بەسەر دەشتا
تەماشای لالەزاری ڕاگوزەر ناکەی ئەڕۆی ئۆغر؟
لە لای خەڵقی گەدایە گەردی ژێر پێی موڵکی دڵداری
بە سایەت وەک هوما تاجم لەسەر ناکەی ئەڕۆی ئۆغر؟
بە لەرزە و زەلزەلەی ئەو پڵپڵانەی دەوری پووشینت
بینای هەستیم هەموو زێر و زەبەر ناکەی ئەڕۆی ئۆغر؟
ئەوا واعیز ئەڵێ لادە لە قیبلەی عەشق و جوانیی ڕوو
سەماعی وەعزی سەرتاپا زەرەر ناکەی ئەڕۆی ئۆغر؟
فریشتەی یا پەری یا حۆری ئەی شۆخی مەلەک شێوە؟
بە عیشوە و خوو لە هاوجینسی بەشەر ناکەی ئەڕۆی ئۆغر؟
بە تای دوڕڕی غەزەل ئەچنم لە حەسرەت ڕشتەیی گێسووت،
مەتای عومری درێژکردووم لەبەر ناکەی ئەڕۆی ئۆغر؟
ئەڕۆی ئۆغر؟ ئەڕۆی ئۆغر؟ نەزەر ناکەی ئەڕۆی ئۆغر؟
حەیام، عەقڵم، دڵ و دینم هەدەر ناکەی ئەڕۆی ئۆغر؟
https://books.vejin.net/ck/text/435
https://musickordi.com/music/17805/%D8%A6%D9%87-%D8%B1%D9%88%DB%8C-%D8%A6%D9%88%D8%BA%D8%B1-%D8%B9%D8%AF%D9%86%D8%A7%D9%86-%DA%A9%D8%B1%DB%8C%D9%85/
شێعر لای من