گەڕان بە شوین ڕیتم

ڕیتم تەنیا شێعرێ مەگیرۆوە. گردوو هونەرەکا و پانایی پێکیاوە و هەستی تەنۆوە. ژیوای وێش نزامێ ئیقاعین، جە ترپە و دڵوو گیانەوەرێوە تا سووڕەو تەنەعاسمانیەکا و سەرجەم پانایی بیەی. تا ئا یاگێ زانشتی بەشەری، ئاگادار هەن، گرد وێنایێنێ جە نزامی ئیقاعی کە مدرایش پەی نیا و دایمەن ئینا حاڵوو جووڵەینە. تەنانەت هەر فەرهەنگێ و شارستانیەتێ نزامی ئیقاعین.

ئیفلاتوون ماچۆ: " کەسێ بە شێوازی ڕێکوپێک و دادپەروەرانە و ڕیتمئامێز پەروەردە کریۆ، مەحاڵا بۆ بە زاڵم." ئینە یانێ ساباتەو پەروەردە و فێرکاری، سیاسەت و تەرزەو دیای پەی دنیای و ژیوای و ... ڕیتمش هەن. ویرچەمە و ڕیتمی گێڵۆوە پەی تێزە ویری و فەلسەفیەکا. فیلسۆفی گەورەی یۆنانی، فیساغۆرس کە واچێ: " هۆرسووڕیای تەنەعاسمانیەکا و مەودای زەمانیشا جە یۆتەرینی، سەروو بنەمایێ قاعیدەمەندی و هەماهەنگیێ ڕێکوپێکی و هارمۆنیاداری نریانەرە کە کریۆ واچمێش پەنە مۆسیقای گەردوونی." ل. سی و چوار

سەرچاوە: چەکەریای حەزێ تازێ و عومرێ جادە...پەی قریوە دەنگەکا شێعرەو ئارۆی، عادڵ محەممەدپوور، مەریوان: ئەوین، 1396.